५ कात्तिक काठमाडौ । पुथ्वी राजमार्गको सितापाइला धार्के सडक केही दिनको लागि बन्द गरिएको छ । नागढुंगाको बाटोको वैकल्पिक सडक धादिङको धार्के–सितापाइला सडक कालोपत्रको लागि बन्द गरिएको हो ।
धार्के–ठूलोखोला खण्डमा दोस्रो लेयरको कालोपत्रे गर्ने काम सुरु भएको भन्दै धार्के–सितापाइला सडक खण्ड बन्द गरेको सूचना जारी गरेको छ ।
धादिङको धुनिबेशी नगरपालिका वडा नम्बर-५ का वडा अध्यक्ष विशाल भट्टराईले सडक बन्द भएको जानकारी दिएका हुन्।धार्के–सितापाइला सडक अर्को सूचना जारी नहुन्जेलसम्म अत्यावश्यक बाहेकका सवारी सञ्चालनमा रोक लगाइएको हो ।
