८ कात्तिक काठमाडौँ । एएफसी यु १७ एसिया कप छनोट खेलमा नेपाली युवा फुटबल टोलीले आफ्नो पहिलो खेलमा पराजित भएको छ। कतारको दोहामा भएको खेलमा नेपाललाई जापानले ९-२ ले हराएको हो । खेलमा नेपालका लागि सविनकुमार मगर र विज्ञान खड्काले २ गोल गरेका थिए ।
जापानको टोलीबाट दाइची तानीले ४ गोल, हिरोतो असादाले ३ गोल र मिबुकी कासाई र काजी चोनानले समान १/१ गोल गरेर ९ गोल भएको थियो । नेपालले खेलमा अग्रता जोगाउन असफल भयो । रविनले १२ मिनेटमा गोल गर्दै नेपाललाई अघि बढाए ।
१७ औं मिनेटमा तानीले बराबी गोल गरे भने जापानले पहिलो हाफमा ५-१ को अग्रता बनएको जापानले दोस्रो हाफ ४ गोल थप्पेको थियो । दोस्रो हाफमा नेपालको तर्फबाट विज्ञानले ८८ औं मिनेटमा १ गोल थपि २ गोल बनाएको थियो । समूह ‘एफ’ मा बुधवार भएको खेलममा कतारले मंगोलियालाई २-० ले हराएको छ। नेपालले शुक्रवार कतार र आइतवार मंगोलियासँग खेल्ने छ ।
