१४ बैशाख काठमाडौ। काठमाडौं महानगरपालिकाले बालाजु चोकमा रहेको एक पेट्रोल पम्प सिल गरेको छ।बिहीबार महानगरले बालाजुमा रहेको कोत:धुकु आयल स्टोर पेट्रोल पम्प मापदण्डविपरीत भएको कारण सिल गरेको नगर प्रहरी उपरीक्षक राजुनाथ पाण्डेले जानकारी दिए।
महानगरले सडक किनार साँघुरो क्षेत्रमा पेट्रोल पम्प चलाउनु मापदण्डविपरीत भन्दै कारबाही गर्ने बताएको थियो।झन्डै १० वटा पम्प जोखिमपूर्ण अवस्थामा भएका कारणले आज कोत:धुकु आयल स्टोरबाट काम सुरू गरिएको नगर प्रहरी उपरीक्षक राजुनाथ पाण्डेले बताए।
