१४ मंसिर गोरखा एनपीआई गोरखा हस्पिटलले नयाँ नेतृत्व चयन गरेको छ। हालै सम्पन्न पदाधिकारी चयन प्रक्रियाबाट लेखराज पन्त हस्पिटलको अध्यक्षमा चयन भएका छन्। त्यस्तै, उपाध्यक्षमा शरदबाबु कट्टेल र प्रबन्ध सञ्चालकमा पुष्पराज शर्मा नियुक्त भएका छन्।
सदस्यहरुमा ईश्वरकाजी मास्के, श्रीप्रकाश कंडेल, कृष्ण ढकाल र ज्ञानु अधिकारी अर्याल चयन भएका छन्। नयाँ नेतृत्व गठनसँगै हस्पिटलको सेवा, गुणस्तर र व्यवस्थापन थप सुव्यवस्थित हुने अपेक्षा गरिएको छ।
हस्पिटलका पदाधिकारीहरूका अनुसार, स्वास्थ्यसेवा विस्तार, पूर्वाधार विकास तथा जनमैत्री सेवाको पहुँच बढाउनेतर्फ नयाँ टिम सक्रिय रहनेछ।
