७ फागुन काठमाडौँ । आगामी फागुन २१ गते हुने प्रतिनिधि सभा निर्वाचनमा नेपाली कम्युनिस्ट पार्टीका दुई फरक पुस्ता र फरक राजनीतिक पृष्ठभूमिका नेताहरू चुनावी मैदानमा उत्रिएका छन्। गोरखा क्षेत्र नम्बर २ बाट युवा नेता लेखनाथ न्यौपाने उम्मेदवार बनेका छन् भने गोरखा अर्काे नेता सर्लाही क्षेत्र नम्बर ३ बाट पार्टीका वरिष्ठ नेता नारायणकाजी श्रेष्ठ उम्मेदवार बनेका छन्। यी दुई नेता गोरखा सिरानचोक गाउँपालिका जौबारी र हर्मीमा हुन् ।
उनीहरु दुवै संग लामो राजनिति अनुभव, राजनीतिक भूमिका र उम्मेदवारीको रणनीतिमा स्पष्ट फरक देखिएको छ।विद्यार्थी आन्दोलनबाट राष्ट्रिय राजनीतिमा न्यौपानेको उदय भएको हो । लेखनाथ न्यौपाने विद्यार्थी राजनीतिबाट उदाएका नेता हुन्। उनी अनेरास्ववियु (अखिल)का पूर्व अध्यक्ष भइसकेका छन् । नेता न्यौपाने लामो समयदेखि कम्युनिस्ट आन्दोलनमा सक्रिय रहँदै आएका छन्।
युवा पुस्तामाझ लोकप्रिय छवि बनाएका न्यौपाने पहिलो पटक प्रतिनिधि सभा सदस्यका लागि गोरखा–२ बाट उम्मेदवार बनेर चुनावी मैदानमा होमीएको छन् । गोरखाको सिरानचोक गाउँपालिका लगायत क्षेत्रहरूमा संगठन विस्तार, युवामाझ सक्रियता र पार्टीप्रतिको प्रतिबद्धताका कारण नेता न्यौपानेलाई पार्टीले नयाँ पुस्ताको प्रतिनिधिका रूपमा अघि सारेको हो। पार्टीभित्र भविष्यका नेतृत्वका रूपमा पनि न्यौपानेलाई हेरिएको छ।
अनुभवी नेता श्रेष्ठको राष्ट्रिय स्तरको भूमिका
नेकपाका वरिष्ठ नेता नारायणकाजी श्रेष्ठ भने नेपाली कम्युनिस्ट आन्दोलनका अनुभवी र प्रभावशाली नेता हुन्। उनी तत्कालीन नेकपा (माओवादी केन्द्र)का वरिष्ठ उपाध्यक्ष थिए र पार्टी संयोजनपछि नेपाली कम्युनिस्ट पार्टीका वरिष्ठ नेताका रूपमा सक्रिय छन्।श्रेष्ठले विगतमा गृहमन्त्री, परराष्ट्रमन्त्री तथा भौतिक पूर्वाधार तथा यातायात मन्त्री जस्ता महत्वपूर्ण मन्त्रालयको जिम्मेवारी सम्हालिसकेका छन्। विशेषगरी गृहमन्त्री हुँदा शान्ति सुरक्षा सुधार, सुशासन र प्रशासनिक सुधारका क्षेत्रमा उनले महत्वपूर्ण भूमिका खेलेका थिए। यसले उनलाई राष्ट्रिय स्तरको प्रभावशाली नेताका रूपमा स्थापित गरेको छ।
किन जन्मभूमि गोरखा छाडेर सर्लाही–३ बाट उम्मेदवारी
नेता नारायणकाजी श्रेष्ठको जन्मभूमि गोरखा भए पनि यसपटक उनी सर्लाही क्षेत्र नम्बर ३ बाट उम्मेदवार बनेका छन्। यसको पछाडि पार्टीको रणनीतिक निर्णय मुख्य कारण मानिएको छ।पार्टीले अनुभवी र प्रभावशाली नेतालाई विभिन्न जिल्लामा परिचालन गरेर संगठन बलियो बनाउने रणनीति अपनाएको स्रोतहरूको भनाइ छ।
सर्लाही–३ मा पार्टीको प्रभाव विस्तार गर्ने, नयाँ राजनीतिक आधार तयार गर्ने र चुनाव जित्ने सम्भावना बलियो बनाउने उद्देश्यले श्रेष्ठलाई त्यहाँबाट उम्मेदवार बनाइएको हो।अर्कोतर्फ गोरखा–२ मा नयाँ पुस्ताका नेता लेखनाथ न्यौपानेलाई अवसर दिन पनि पार्टीले यस्तो निर्णय गरेको मानिन्छ। पार्टी अध्यक्ष पुष्पकमल दाहाल ‘प्रचण्ड’ नेतृत्वको रणनीतिअनुसार अनुभवी र नयाँ पुस्तालाई सन्तुलित रूपमा अघि बढाउने नीति अनुसार उम्मेदवारी तय गरिएको विश्लेषण गरिएको छ।
सर्लाही–३ बाट श्रेष्ठको जित्ने सम्भावना कस्तो
सर्लाही क्षेत्र नम्बर ३ मा नारायणकाजी श्रेष्ठको उम्मेदवारीलाई बलियो मानिएको छ। उनको राष्ट्रिय स्तरको छवि, लामो राजनीतिक अनुभव, मन्त्रीको रूपमा काम गरेको अनुभव र पार्टी संगठनको समर्थन उनका मुख्य बल हुन्।यद्यपि स्थानीय राजनीतिक समीकरण, गठबन्धनको अवस्था, प्रतिस्पर्धी उम्मेदवारको प्रभाव र मतदाताको झुकावले चुनावी परिणाम निर्धारण गर्नेछ। श्रेष्ठले सर्लाहीमा चुनावी अभियान तीव्र बनाउँदै स्थानीय मतदातासँग भेटघाट र विकासका एजेन्डा प्रस्तुत गरिरहेका छन्।
अनुभव र पुस्ताबीचको मुख्य फरक
लेखनाथ न्यौपाने र नारायणकाजी श्रेष्ठबीचको मुख्य फरक भनेको राजनीतिक अनुभव र स्तर हो। न्यौपाने युवा पुस्ताका उदीयमान नेता हुन् भने श्रेष्ठ राष्ट्रिय स्तरका अनुभवी, पूर्व मन्त्री र पार्टीका वरिष्ठ नेता हुन्।न्यौपानेको उम्मेदवारी नयाँ पुस्ताको प्रतिनिधित्व र भविष्यको नेतृत्व निर्माणसँग जोडिएको छ भने श्रेष्ठको उम्मेदवारी पार्टीको रणनीतिक विस्तार र चुनाव जित्ने लक्ष्यसँग जोडिएको छ।
नेपाली कम्युनिस्ट पार्टीले यसपटक एकातर्फ युवा नेतृत्वलाई अवसर दिएको छ भने अर्कोतर्फ अनुभवी नेतालाई रणनीतिक क्षेत्रमा उतारेको छ। गोरखा–२ मा लेखनाथ न्यौपानेको उम्मेदवारी नयाँ पुस्ताको परीक्षणका रूपमा हेरिएको छ भने सर्लाही–३ मा नारायणकाजी श्रेष्ठको उम्मेदवारी पार्टीको रणनीतिक निर्णयको परिणाम मानिएको छ।आगामी निर्वाचनले युवा र अनुभवी नेतृत्वबीचको राजनीतिक सन्तुलन मात्र होइन, पार्टीको भविष्यको दिशा पनि निर्धारण गर्ने अपेक्षा गरिएको छ।
