२३ असार काठमाडौँ । चितवनस्थित वैष्णव रेष्टुरेन्टमा परोसिएको सागमा शंखेकिरा भेटिएको घटनापछि सम्बन्धित निकायले रेष्टुरेन्टलाई ३ लाख रुपैयाँ जरिवाना गरेको छ।खाद्य स्वच्छता तथा गुणस्तरसम्बन्धी मापदण्डको पालना नगरी उपभोक्ताको स्वास्थ्यमा जोखिम पुग्ने गरी लापरवाही गरेको ठहर गर्दै सम्बन्धित निकायले उक्त जरिवाना गरेको जनाएको छ।
यसअघि रेष्टुरेन्टमा खाना खान गएका सेवाग्राहीले परोसिएको सागमा शंखेकिरा फेला पारेपछि घटना सार्वजनिक भएको थियो। घटनापछि खाद्य स्वच्छता र गुणस्तरबारे व्यापक चासो व्यक्त भएको थियो।
घटनाको अनुसन्धान तथा अनुगमनपछि खाद्य स्वच्छतामा गम्भीर लापरवाही भएको निष्कर्ष निकाल्दै वैष्णव रेष्टुरेन्टमाथि ३ लाख रुपैयाँ जरिवाना गरिएको सम्बन्धित निकायले जनाएको छ।
सरोकारवाला निकायले सबै होटल तथा रेष्टुरेन्टलाई खाद्य स्वच्छता मापदण्डको कडाइका साथ पालना गर्न निर्देशन दिँदै उपभोक्ताको स्वास्थ्यसँग खेलवाड गर्ने जो–कोहीलाई कानुनबमोजिम कारबाही गरिने चेतावनी समेत दिएको छ।
