२७ साउन काठमाडौँ । सल्यानको बनगाड कुपिण्डे–१ बाङ्गिरह नजिकै जिप दुर्घटना भएकाे छ । छिन्चु–जाजरकोट सडकखण्डअन्तर्गत सल्यानको बनगाड कुपिण्डे नगरपालिका–१ बाङ्गिरह नजिकै जिप दुर्घटना भएर भेरी नदीमा खसेको छ ।
प्रहरीका अनुसार लु १ ज ३०२२ नम्बरको जिप बालुवासङ्ग्रीबाट सल्लीबजारतर्फ फर्किँदै गरेको अवस्थामा दुर्घटनामा परेको हो । सडकबाट अनियन्त्रित भएर जिप भेरी नदीमा खसेको प्रारम्भिक जानकारी प्रहरीले दिएको छ ।
दुर्घटनापछि जिप नदीमा खसेकाले त्यसमा सवार यात्रुहरूको अवस्थाबारे तत्काल स्पष्ट जानकारी प्राप्त हुन सकेको छैन । घटनास्थलमा प्रहरी टोली पुगेर उद्धार तथा खोजी कार्य अघि बढाएको छ ।
दुर्घटनाको कारणबारे थप अनुसन्धान भइरहेको प्रहरीले जनाएको छ । घटनासम्बन्धी विस्तृत विवरण आउन बाँकी रहेको छ ।
