२ जेठ काठमाडौ।नेपालमै बनेको यात्री मोटरसाइकल पहिलोपटक दर्ता भएको छ । यातायात कार्यालयले मे १५ तारिखमा यात्री पी १ मोटरसाइकल दर्ता गरेको हो ।यात्री मोटरसाइकलका अनुसार यातायात व्यवस्था कार्यालय, गुर्जुधारामा पी–१को ‘बाग्मती प्रदेश ०२ बा ४३ प ८६५० नम्बर’को पी–१ बाइकले पूर्ण रुपमा नेपालमा उत्पादित पहिलो सवारीका रुपमा दर्ता भएको जनाएको हो ।
कम्पनीले आफ्नो पेज मार्फत यात्री मोटरसाइकलले औपचारीक रुपमा दर्ता पाएको जानकारी दिएको छ । विद्युतीय मोटरसाइकलको रुपमा चार बर्ष अघि यात्री टिमले नेपालमै मोटरसाइकल उत्पादन गर्दै आएको थियो ।
अब आयातको कागज विनै नेपालमा बनेको सवारी दर्ता भएको छ । प्रधानमन्त्रीको निर्देशनपछि १४ वैशाखमा यातायात व्यवस्था विभागले निर्देशिका संशोधनम गरी नेपालमै बनेका सवारी दर्ता गर्न बाटो खुलाएको थियो । कानुनी बाधा फुकाएपछि यात्रीले मूल्य अभिवृद्धि कर (भ्याट) बिल, अन्तःशुल्क निकासी फारमका आधारमा बाइक दर्ता हुन पाएको हो ।
