९ जेठ काठमाडौं । भाइरल बनेको उक्त फोटो पोष्ट गर्दै नेपाली उत्पादनबारे मजाक उडाउनेदेखि अनेक टिप्पणी भइरहेको छ ।चर्चित बनेको उक्त तस्बिरमा यात्री मोटरसाइकल चलाइरहँदा च्यासिस भाँचिएको देखाइएको छ । तर यात्री कम्पनीले भने उक्त तस्बिर हालको नभएर परीक्षणकालको रहेको स्पष्ट पारेको छ ।
सोमबार कम्पनीले फेसबुकमार्फत परिवेश नै नबुझी सामाजिक सञ्जालमा माेटरसाइकल भाँचिएको फोटो भाइरल बनेको बताएको छ । कम्पनीले उत्पादन अघि हरेक नयाँ भाग र प्रणालीहरूको परीक्षण गर्ने गरेको समेत खुलाएको छ । आन्तरिकतर्फ च्यासिस पुनरावृत्ति परीक्षण गरिरहँदाको तस्बिर अहिले भाइरल बनेको कम्पनीको स्पष्टीकरणमा उल्लेख गरिएको छ ।
