११ जेठ काठमाडौं । सहिद स्मारक ‘ए’ डिभिजन लिग फुटबल अन्तर्गत आज बिहीबार दुई खेलहरु हुँदैछन्। आज एन्फा कम्प्लेक्स र च्यासल मैदानमा दोस्रो लेगको आठौं चरण अन्तर्गत दुई खेलहरु हुनेछन्।एन्फा कम्प्लेक्समा सातदोबाटो युथ क्लब र फ्रेन्ड्स क्लबबीच प्रतिस्पर्धा हुनेछ। सो खेल दिउँसो ३ बजे सुरु हुनेछ।
सातदोबाटो २० खेलमा २९ अंक जोडेर चौथो स्थानमा रहेको छ भने फ्रेन्ड्स २० खेलमा २१ अंक जोडेर १३ औं स्थानमा रहेको छ।च्यासल मैदानमा हुने खेलमा मनाङ मर्स्याङ्दी क्लब र चर्च ब्वाइज युनाईटेड क्लबबीच प्रतिस्पर्धा हुनेछ। सो खेल दिउँसो ३ बजे सुरु हुनेछ। मनाङ २० खेलमा २४ अंक जोडेर ११ औं स्थानमा रहेको छ भने चर्च ब्वाइज २० खेलमा ३७ अंक जोडेर शीर्ष स्थानमा रहेको छ।
