३० जेठ काठमाडौ । नेपाली राष्ट्रिय टोलीकी स्ट्राइकर साबित्रा भण्डारीले इजरायलको हापोएल क्लवबाट खेल्ने भएकी छिन् । आगामी सिजनका लागि उनले क्लवसँग सम्झौता गरेको मंगलबार क्लवले आफ्नो सामाजिक संजालमार्फत जनाएको हो । साबित्रा नेपालको घरेलु फुटबलमा विभागीय क्लव एपीएफबाट खेल्ने गर्छिन् ।
साबित्राले भारतमा भएको महिला लिगमा च्याम्पियन बनेको गोकुलम केरलाबाट खेलेकी थिइन् । गोकुलमका लागि १० खेलमा २९ गोल गर्दै उच्च गोलकर्ता बनेकी थिइन् । सने २०१९मा सेतु एफसीबाट पनि भारतीय महिला लिग खेलेकी थिइन् । साबित्राले त्यति बेला सात खेलमा १५ गोल गरेकी थिइन् ।
