बुधबार सुन तोलामा १०० रुपैयाँले घटेको छ । चाँदी आज तोलामा १० रुपैयाँले सस्तिएको छ । छापावाल सुन प्रतितोला एक लाख १२ हजार रुपैयाँमा र तेजाबी सुन प्रतितोला एक लाख ११ हजार ४५० रुपैयाँमा झरेको नेपाल सुनचाँदी व्यवसायी महासंघले जनाएकाे छ। सुनको भाउ निरन्तर तीन दिनदेखि घटिरहेको छ ।
मंगलबार पनि सुन प्रतितोला ३०० रुपैयाँले ओरालो लाग्दा प्रतितोला एक लाख १२ हजार १०० रुपैयाँमा कारोबार भएको थियो । तीन दिनमा सुन ५०० रुपैयाँले गिरावट भएको हो ।चाँदीको मूल्य भने लगातार दोश्रो दिन घटेको हो । बुधबार चाँदी तोलामा १० रुपैयाँले सस्तिदा प्रतितोला एक हजार ३९० रुपैयाँमा किनबेच भइरहेको छ ।
,
