२३ असाेज काठमाडाैँ । इजरायलमा प्यालेस्टाइनको आक्रमणमाबाट १० नेपालीको मृत्यु भएपछि नेपाल सरकारले आज राष्ट्रिय शोकको घोषणा गरेको हाे । हिजाे बसेएकाे मन्त्रिपरिषद् बैठकले अाज एक दिन राष्ट्रिय शोकको घोषणा गर्ने भनिएकाे थियाे ।
आज देशभरका सरकारी कार्यालय र विदेशस्थित कूटनीतिक नियोगको राष्ट्रिय झण्डा आधा झुकाउने निर्णय भएको सरकारको प्रवक्ता समेत रहेकी सूचना तथा सञ्चारप्रविधि मन्त्री रेखा शर्माले जानकारी दिइन् ।
मन्त्रिपरिषद्ले आक्रमणमा परी ज्यान गुमाउने नेपालीप्रति हार्दिक श्रद्धाञ्जली व्यक्त गर्दै शोकाकुल परिवारमा समवेदना पनि प्रकट गरेको छ । मृतकहरुको शव यथाशीघ्र नेपाल ल्याउन आवश्यक पहल गर्ने पनि मन्त्रिपरिषद्ले निर्णय गरेको छ । उक्त परिवारलाई राहतस्वरुप १० लाख रुपैयाँ दिने निर्णय पनि भएको मन्त्रि शर्माकाे भनाइ छ ।
