२६ असोज काठमाडौँ । हमास समूहले गत शनिबार इजरायलमा गरेको आक्रमणमा घाइते भएका कैलालीका धनबहादुर चौधरी नेपाल आइपुगेका छन् । उनी हिनो मात्र नेपाल एयरलाइन्सको चार्टर विमानमार्फत शुक्रबार बिहान त्रिभुवन अन्तर्राष्ट्रिय विमानस्थलमा अवतरण भएको हो ।
आक्रमणमा उनको खुट्टामा गोली लागेसँगै स्थानीय अस्पतालमा उपचार गरि डिस्चार्ज भएपछि चार्टर विमानमार्फत नेपाल फर्किएका हुन् । उनी अझै हिँड्नसक्ने भने भइसकेका छैन । विमानस्थलमा संक्षिप्त प्रतिक्रिया दिँदै उनले घटनामा बाँचेर फर्किएको बताए । उक्त घटनामा १० जना नेपाली विद्यार्थीको हमास समूहको आक्रमणमा ज्यान गुमाएका छन् ।
यस घटनामा चार जना घाइतेमध्ये एक जना डिस्चार्ज भएर नेपाल आएका छन्, अर्को एक नेपाली पनि डिस्चार्ज भएका छन् भने दुई जनाको उपचार जारी रहेको परराष्ट्रमन्त्री एनपी साउदले बताउनु भयो ।
