२ कार्तिक काठमाडौँ । चीन भ्रमणमा गएका नेकपा माओवादी केन्द्रका बरिष्ठ उपाध्यक्ष तथा उपप्रधान गृहमन्त्री नारायणकाजी श्रेष्ठको स्वास्थ्यमा समस्या देखिए पछि चीनकाे बेइजिङ अस्पतालमा भर्ना भएका छन् ।
गृहमन्त्री श्रेष्ठलाई बेइजिङस्थित पेकिङ युनियन मेडिकल कलेजमा चेकजाँचका क्रममा उनलाई माइल्ड हर्टअट्याक भएको भने स्वकीय सचिव सुरेशकाजी श्रेष्ठले जानकारी दिए ।
बीआरईको कार्यक्रमका लागि बेइजिङमा रहेका श्रेष्ठलाई बुधबार दिउँसोदेखि नै असहज भइरहेको थियो । बेलुका कोठामा फर्किएपछि धेरै नै छाती दुखेपछि अस्पताल लगिएको थियो ।
अस्पतालमा उनको एन्जियोग्राम गरेर हेर्दा मुटुको एकतर्फीको भल्भमा रक्तसञ्चारमा अवरोध देखिएपछि त्यसलाई खुलाइएको स्वकीय सचिव श्रेष्ठले बताए ।
हाल उनलाई निगरानीका लागि आईसीयूमा राखिएको छ । गृहमन्त्री श्रेष्ठको सचिवालयका अनुसार उनी अहिले खतरामुक्त छन् ।
