५ कार्तिक काठमाडौँ । विश्वकप क्रिकेटको १३ औ संस्करणको खेल अन्तर्गत न्युजिल्याण्ड र भारतबिच खेल भइरहेको छ।आयोजक भारतले टस जितेर न्युजिल्याण्डलाई पहिला ब्याटिङ गर्ने निम्तो दिएको छ।
खेल सुरु भएको चौथो ओभरमै भारतका बलर मोहम्मद सिराजले न्युजिल्याडका सुरुवाती वाटर डेवन कॉन्वेलाई ० रनमा पेभेलियनको बाटो देखाएर दबाबमा राखेका छन। न्युजिल्याण्डले पहिलो ओभरमा कुनै रन बनाएन ।
दोस्रो ओभरमा ५ तथा तेस्रो ओभरमा ४ रन बनायो।अर्को विकेट मोहम्मद समीले लिएका छन् । ताजास्थीतीमा न्युजिल्याण्डले १० ओभरमा २ विकेट गुमाएर ३४ रन बनाएर खेलिरहेको छ ।जारी लिगमा भारत र न्युजिल्यान्डले कुनैपनि खेल गुमाएको छैन।
त्यसकारण पनि आजको खेल रोमाञ्चक हुने देखिन्छ।न्युजिल्यान्ड लिगको शीर्ष स्थानमा छ भने भारत दोस्रो स्थानमा छ। समान ४र४ खेल खेलेको दुवै टोलीले ४ वटैमा जित हात पारेपनि भारत रनरेटको आधारमा दोस्रो र न्युजिल्यान्ड पहिलो स्थानमा रहेको छ।
