१२ कार्तिक काठमाडाैँ। काठमाडाैँ बसपार्क नजिकै रहेकाे माछापोखरी चाेकमा दुई भारतीयलाई लुटपाट गरेको आरोपमा रेस्टुरेन्ट सञ्चालकसहित ३ जना पक्राउ परेका छन्। दुई भारतीयलाई ग्रिन टि सस्तो मूल्यमा मिलाई दिने भन्दै बारमा पुर्याएर उनीहरूलाई लुटिएको काठमाडौँ प्रहरी परिसरले जनाएको छ।
माछापोखरीमा रहेकाे किङ्स अकबरे मम्स रेस्टुरेन्टका सञ्चालक नुवाकोटको ककनीका २७ वर्षीय उमेश लामासहितका व्यक्तिहरू पक्राउ परेका छन् ।प्रहरीले पक्राउ परेकाको साथबाट एउटा मोटरसाइकल र ५९ हजार ३ सय ५५ रुपैयाँ नगद बरामद गरेको छ।
दुई भारतीय बिहीबारदेखि ठमेलकाे एक होटलमा बस्दै आएका थिए। उनीहरूलाइ कुटपिट गरी पीडितसँग रहेको ४९ हजार नेपाली र ५० हजार भारतीय रुपैयाँ ट्रान्सफर गरी लुटिएको प्रहरीले जनाएको छ।थप अनुसन्धान हुदै छ ।
