१४ कार्तिक काठमाडौँ । गोरखाको बारपाक सुलिकोट गाउँपालिका वडा न ४ रन्चोकमा तेस्रो रन्चोक कप भलिवल प्रतियोगिता हुने भएको छ । यस प्रतियोगिता दियालो युवा क्लबको आयोजनामा बारपाक सुुलिकोट गाउँपालिका–४, रन्चोकमा कात्तिक २४ गतेदेखि २६ गतेसम्म प्रतियोगिता हुन लागेको क्लबका अध्यक्ष मिलन सुनारले जानकारी दिनुभयो ।
यस क्लबले शुभ दिपावली तथा छठ पर्वको अवसर पारी राष्ट्रिय कलाकारको साथमा गाउँटोल स्तरीय मैत्रीपूर्ण पुरुष भलिवल प्रतियोगिताको आयोजना गर्ने लागेको क्लब अध्यक्ष सुनारले बताउनु भयो । कार्यक्रमको उद्वघाटनको दिन स्थानीय कलाकार, दोस्रो दिन राष्ट्रिय कलाकारहरूको उपस्थिति हुने छ ।
भलिवल प्रतियोगितामा प्रथम स्थान हासिल गर्ने टिमले नगद रु २० हजार सहित ट्रफी मेडल र प्रमाणपत्र , द्वितीय स्थान हासिल गर्ने टिमले रु १५ हजार ट्रफी मेडल र प्रमाणपत्र तितृय स्थान हासिल गर्ने टिमले रु ९ हजार ट्रफी मेडल र प्रमाणपत्र प्राप्त गर्ने आयोजकले जनाएको छ । तेस्रो रन्चोक कप भलिवल प्रतियोगितामा सहभागी हुन चाहाने टिमले कात्तिक २३ गतेसम्म टिम दर्ता गर्न सक्नेछ । टिम दर्ताका लागि ३ हजार रुपैया शुल्क तोकिएको अध्यक्ष सुनारले जानकारी दिनुभयो ।
