१४ कार्तिक काठमाडाैँ । गोरखा नगरपालिका–४ पिपलथोक स्थित लालप्रसाद श्रेष्ठको घरमा जुवा खेल्दै गरेकाे अवस्थामा पाँच जनालाई प्रहरीले नगद सहित पक्राउ गरेको छ ।उनीहरूलाइ खेलेकाे घरबाट पक्राउ गरिएको गोरखाका जिल्ला प्रहरी कार्यालय प्रहरी निरिक्षक शेखर खड्काले जानकारी दिनुभयो ।
पक्राउ पर्नेहरुमा खेलेका घरका श्रेष्ठ, दिनेश तमु, प्रकाश कुँवर, सुन्दर राना र नगरपालिका–२ घर भएका सुरज मियाँ रहेको उहाँले बताउनुभयो । पक्राउ परेका तमु निर्माण व्यवसायी संघ गोरखाका उपाध्यक्ष समेत हुनुहुन्छ । सोमबार साँझ श्रेष्ठको घरबाट उनिहरुलाई पक्राउ गरिएको प्रहरीले जनाएको छ ।
उनीहरूबाट प्रहरीले ५५ हजार ५ सय १५ रुपैयाँ नगद समेत बरामद गरेको खड्काले बताउनुभयो । पक्राउ परेका चारै जना बिरुद्ध आज जिल्ला प्रशासन कार्यालयमा जुवा सम्वन्धी कसुर अन्तरर्गत शिर्षकमा मुद्वा दर्ता गराई अनुसन्धान अघि बढाइएको प्रहरीले बताएका छन् ।
