१६ कार्तिक काठमाडैँ । राष्ट्रिय खेलकुद परिषद्का संरक्षक प्रधानमन्त्री पुष्पकमल दाहाल ‘प्रचण्ड’ ले चीनको हाङझावमा भएको चौथो एसियाली पारा खेलकुदको तेक्वान्दोमा ऐतिहासिक पदक जित्न सफल पलेशा गोवर्धनलाई बुधबार बधाइ दिएका छन् ।
प्रधानमन्त्री दाहालले पलेशालाई सिंहदरबारमा भेटी बधाइ दिएका हुन् । सोही अवसरमा प्रशिक्षक कविराज नेगी लामा र व्यवस्थापक रामचन्द्र श्रेष्ठलाई पनि प्रधानमन्त्री दाहालले बधाइ दिए थिए ।पलेशाले के– ४४ क्याटगोरीको महिला ५७ केजीमुनि कांस्य पदक जितेकी थिइन् । पलेशाले जितेको पदक नेपालले एसियाली पारा खेलकुदमै जितेको पहिलो पदक हो ।
भेटका अवसरमा युवा तथा खेलकुद मन्त्री डिगबहादुर लिम्बू, राष्ट्रिय खेलकुद परिषद्का सदस्य–सचिव टंकलाल घिसिङलगायतको उपस्थित रहेको थियो ।
बधाइपछि प्रधानमन्त्री पुष्पकमल दाहाल (बीच) संग तस्वीर खिचाउदै प्रशिक्षक कविराज नेगी लामा, पलेशा गोवर्धन, खेलकुद मन्त्री डिगबहादुर लिम्बू र सदस्य–सचिव टंकलाल घिसिङ ।
प्रधानमन्त्री पुष्पकमल दाहाल (दायाँ) पलेशा गोवर्धनलाई बधाइ दिदै ।
प्रधानमन्त्री पुष्पकमल दाहाल (दायाँ) र पलेशा गोवर्धन ।
