२४ कार्तिक काठमाडाैँ । काठमाडौं महानगरपालिकामा राति १ बजेसम्म देउसी भैलो खेल्न सुरक्षा प्रबन्ध मिलाएको महानगर प्रमुख बालेन्द्र शाह (बालेन)ले बताएका छन्। उनले सामाजिक संजालमार्फत राती १ बजेसम्म देउसी भैलो खेल्न पाउने गरि सुरक्षा व्यवस्था मिलाएको बताएका हुन्।
याे भन्दा अघिलाे बर्ष राति ९-१० बजेसम्ममात्रै देउसी भैलो खेल्न दिइन्थ्यो। अहिले बालेनले भने महानगर प्रहरीले पेट्रोलिङ गर्ने भन्दै मर्यादित भएर देउसी भैलो खेल्न आग्रह गरेका छन्।
उनले सोही अनुरुप प्रहरी र जिल्ला प्रशासन कार्यालयलाई सुरक्षा प्रबन्ध मिलाउन अनुरोध पनि गरेका छन्।‘यो वर्ष काठमाडौं महानगर नगरप्रहरीले “राती १” बजेसम्म सुरक्षाको लागि पेट्रोलिङको व्यवस्था मिलाएको छौं र सोही समयसम्म मर्यादित भएर देउसी भैलो खेलीदिनु हार्दिक अनुरोध गर्दछौं,’ बालेनेले लेखेका छन्।
