२७ कार्तिक काठमाडाैँ । काठमाडौंकाे सिंहदरबारकाे दक्षिण गेट नजिकै दुर्घटना हुदा एक जनाको मृत्यु भएकाे छ । माइतीघर मण्डलाबाट सिंहदरबारकाे दक्षिण गेट तर्फ जाँदै गरेको बा ५७ प ७३५९ नम्बरको स्कुटर दक्षिण गेट नजिक अनियन्त्रित भई दुर्घटना स्कुटर चालक मृत्यु भएको हाे ।
मृत्यु हुनेमा ईलाम घर भई हाल काठमाडौँ महानगरपालिका–१० थापागाउँ बस्ने २३ वर्षीया रितु सुवेदीको मृत्यु भएको प्रहरी प्रधान कार्यालयले जनाएको छ ।
आइतबार दुर्घटना भएर गम्भीर घाइते भएकी सुवेदीको अन्नपूर्ण न्यूरो अस्पतालमा उपचारको क्रममा आज मृत्यु भएको प्रहरी प्रवक्ता प्रहरी नायब महानिरीक्षक कुवेर कडायतले जानकारी दिए ।
