६ मंसिर काठमाडाैँ । जिल्ला प्रशासन कार्यालयले राष्ट्रपति निवास र प्रधानमन्त्री निवास क्षेत्रमा पनि निषेधाज्ञा जारी गर्ने निर्णय गरेकाे छ ।
राष्ट्रपति कार्यालयको पूर्व पवित्र वर्कशपसम्म, पश्चिम सामाखुसी निस्कने नाला, उत्तर प्रहरी प्रशिक्षण प्रतिष्ठानको पूर्वी गेट र दक्षिणमा प्रहरी अस्पताल जाने मोडसम्म र बालुवाटारमा पवित्र वर्कशप चोकबाट बालुवाटारतर्फ नेपाल राष्ट्र बैंक चोक र सभामुखदेखि गैह्रीधारा जाने बाटोको पश्चिम दक्षिण १०० मिटरसम्म निषेधको आदेश जारी गरेकाे काठमाडौंका प्रमुख जिल्ला अधिकारीले बताएकाे हाे ।
मंसिर ५ गतेबाट लागू हुनेगरी आगामी ३० दिनसम्मका लागि यी स्थानमा जुलुस, प्रदर्शन, धर्ना, घेराउ, अनसन र सभाजस्ता आन्दोलन वा विरोधका कार्यक्रम गर्न निषेध गरिएको प्रशासनले जारी गरेको विज्ञप्ति निकालेकाे छ ।
