६ मंसिर काठमाडाैँ । गाेरखाकाे पालुङटार नगरपनालिकामा बहुविबाहको आरोपमा प्रहरीले एक युवकलाइ पक्राउ गरेको छ ।
पालुङटार नगरपनालिका ९ पिपलटारी घरभएका ३३ बर्षका मनोज गुरुङले घरमा बिवाहित श्रीमती हुँदा हुँदै पाेखरा कास्की पोखरा महानगरपालिका–३१ बस्ने २८ बर्षकी मन कुमारी लामासँग विवाह गरेको जाहेरीका आधारमा दुवै जनालाई प्रहरीले पक्राउ गरिएको जिल्ला प्रहरी कार्यालय गोरखाले जनाएको छ ।
गुरुङका श्रीमती ३२ की संगिता गुरुङले जिल्ला प्रहरी कार्यालयमा किटानी जाहेरी दिएपछि उनीहरुलाई पक्राउ गरिएको गोरखाका सूचना अधिकारी प्रहरी नायब उपरिक्षक रमेश कुमार श्रेष्ठले जानकारी दिए ।
उनिहरु विरुद्ध बहुबिवाह कसूर शीर्षकमा मुद्दा दर्ता गरी जिल्ला अदालत गोरखाबाट हिरासतमा राखी अनुसन्धान गर्न म्याद थप गरीएकाे बताए ।थप विवरणकाे अनुसन्धान हुदै छ,भने प्रहरीले जनाएको छ ।
