२८ मंसिर काठमाडौँ । प्यूठानमा जिपले जन्तीलाई नै ठक्कर दिँदा एक जनाको मृत्यु भएको छ ।प्युठानको ऐरावती गाउँपालिका–२ बरौलामा जन्ती बोकेको लु३च ६८४७ नम्बरको जिप आज बिहान दुर्घटना भएको हो । बेहुली लिन जिप बरौलाको सदरमुकाम खलंगातर्फ जाँदै थियो ।
दुर्घटनामा मल्लरानी गाउँपालिका–३ का वडा सदस्य ५२ वर्षीय दामोदर नेपालीको मृत्यु भएको छ ।प्रहरीका सूचना अधिकारी हुमानन्द खनालका अनुसार सडकमा बाजाको तालमा नाचेर हिंडिरहेका जन्तीलाई टायर पञ्चर भएर जिपले ठक्कर दिएको बताए ।
जिपको ठक्करबाट घाइते ५ जनाको जिल्ला अस्पताल बिजुवारमा उपचार भइरहेको छ । अरू थप विवरण अनुसन्धान भइरहेको प्रहरीले बताए ।
