२८ मंसिर काठमाडाैँ । त्रिभुवन अन्तर्राष्ट्रिय विमानस्थलका सरसफाइ सुपरभाइजरलाई प्रहरिले पक्राउ गरेको छ ।२१ मंसिरको राति दुबईबाट काठमाडौँ आएका गोरखाका चन्द्र घले सहित १४ किलो सुन बरामद प्रकरणको अनुसन्धानका क्रममा प्रहरीले सुपरभाइजरलाई पनि पक्राउ गरेको हाे ।
विमानबाट पक्राउ परेका घलेले अध्यागमनको वाकथ्रु गेटमा जानुअघि नै विमानस्थलको शौचालयमा सुन राख्ने र त्यहाँबाट फोहोरको रूपमा बाहिर निकाल्ने योजनासहित आएको अनुसन्धानबाट खुलेको थियो ।
सरकारले उक्त सुन प्रकरणको अनुसन्धानका लागि प्रमुख भन्सार अधिकृत मणिराम पौडेलको संयोजकत्वमा समिति गठन गरेको थियो । यो प्रकरणमा अनुसन्धानका लागि छानबिन समितिले त्रिभुवन विमानस्थलका ३ जना कर्मचारीसहित ३२ जनालाई पक्राउ गरिसकेको छ।
