४ पुष काठमाडौँ । गोरखाको धार्चे गाउँपालिका वडा न ४ लाप्राकमा सिलाई कटाई सीप सिकेर बसेका १५ जनालाई सिलाइकटाइ मेसिन प्रदान गरिएको छ । धार्चे गाउँपालिका अध्यक्ष लक्ष्मण गुरुङले मंगलबार एक कार्यक्रमका बीच सिलाई मेसिन हस्तन्तरण गरेका हुन् ।गाउँपालिकाको आर्थिक वर्ष २०७९/०८० को गरिबी निवारणका लागि लघु उद्यमी विकास कार्यक्रम (मेडपा) अन्तरगत उक्त मेसिन वितरण गरिएको हो ।
जसले अघिल्लो वर्ष बाढी लगायतका कारण वितरणमा ढिलाई भएकाले मंगलबार वितरण गरिएको गाउँपालिकाको प्रशासन तथा योजना शाखाका रुल बहादुर अधिकृत आलेले जानकारी दिए ।
गाउँपालिकाको योजना शाखाका अधिकृत आलेले महिलाहरुलाई सिलाई पेशातर्फ आकर्षित गरी आत्मनिर्भर बनाउने उद्देश्यले सलिाई मेसनि हस्तन्तरण गरिएको बताए । आफुले सिकेको सीपलाई सकदो उपयोग गरी स्वरोजगार बन्न उनले आग्रह गरे ।
यसमा पालिकाको ८० प्रतिशत र स्थानीयको २० प्रतिशत लागतमा उक्त सामग्री वितरण गरिएको उनले बताए । सोहि कार्यक्रममा तरकारी खेती सम्बन्धी तालिम लिएका १८ जना र ब्युटी पार्लर सम्बन्धी तालिम लिएका सात जनालाई प्रमाणपत्र पनि वितरण गरिएको उनले बताए ।
