५ पुष काठमाडाैँ । काठमाडौँ उपत्यकाको न्यूनतम तापक्रम ४.५ डिग्री सेल्सियसमा तल झरेको छ।मौसम पूर्वानुमान महाशाखाले आज बिहान ८:४५ बजे सार्वजनिक गरेको विवरणअनुसार काठमाडौँ उपत्यकाको न्यूनतम तापक्रम ४.५ डिग्री सेल्सियसमा झरेको हो। आजको आधिकारिक न्यूनतम तापक्रम यही हो।
यसअघि आजै बिहान ६:४५ बजेको मापनमा काठमाडौँ उपत्यकाको न्यूनतम तापक्रम ४.८ डिग्री सेल्सियस देखिएको थियो।काठमाडौँ उपत्यकाको आजको न्यूनतम तापक्रम यस वर्षअन्तर्गत अहिलेसम्मकै कम भएको मौसमविद्ले बताएका छन्।
मौसम महाशाखाका मौसमविद् सञ्जीव अधिकारीका अनुसार आज काठमाडौँ उपत्यकाको अधिकतम तापक्रम १७ देखि १९ डिग्री सेल्सियसभित्र रहने अनुमान गरिएको छ।यतिबेला काठमाडौँ उपत्यकाको मौसम आंशिक बदलीको अवस्थामा रहेको मौसमविद् अधिकारीले बताए।आज दिनभर काठमाडौँ उपत्यकाको मौसम आंशिक बदलीकै अवस्थामा रहने अनुमान छ।
