९ पुष काठमाडाैँ । नवलपुरको विनयीत्रिवेणी गाउँपालिका वडा नं. १ को खहरे जंगलमा घाँस काट्न गएका सासु-बुहारीको शव फेला परेको छ ।
स्थानीय २८ वर्षीया विष्णु पौडेल र उनकी सासू ६० वर्षीया मनादेवी पौडेल आइतबार राति मृत फेला परेको जिल्ला प्रहरी कार्यालय नवलपरासीका प्रहरी नायव उपरीक्षक वेद बहादुर पौडेलले जानकारी दिए ।
उनीहरु आइतबार बिहान ११ बजे घाँस काट्न भनेर घर नजिकैको जंगलमा गएका थिए । अबेरसम्म पनि उनीहरु घरनफर्किएपछि प्रहरीको सहयोगमा खोजी सुरु गरिएको थियो । खोज्ने क्रममा गएराति १० बजेतिर जंगलमा दुवै जना मृत फेला परेको प्रहरीले जनाएको छ ।
दुवैको बायाँ कम्परा र कम्परा पछाडि चोट देखिएको छ । कम्परमा चोट लागेको र घटनाको प्रकृति हेर्दा जंगली जनावरले आक्रमण गरेको हुन सक्ने डिएसपी पौडेलले बताए ।
