१२ पुष काठमाडौँ । बाँकेको मध्यवर्ती क्षेत्रको खैरिखोला सुरक्षा पोष्ट नजिकै सकेट बम फेला परेको छ । मध्यवर्ती क्षेत्रमा पर्ने राप्ति सोनारी गाउँपालिका वडा न २ खैरिखोला सुरक्षा पोष्ट नजिकै आज सकेट बम फेला परेको बाँके निकुञ्जको सुरक्षामा तैनाथ नेपाली सेनाको अर्जुनबाण गणले जनाएको छ ।
खैरीखोलाबाट तीन किलोमिटर दक्षिणतर्फ तथा राप्ती नदीबाट झण्डै पाँच सय मिटर उत्तरतर्फ सकेट बम फेला परेको सेनाले जनाएको छ ।
निकुञ्जमा गस्ती गर्ने क्रममा सेनाको टोलीले सकेट फेला पारेको हो । थप विवरण को अनुसन्धान भईरहेको नेपाली सेनाले बताएका छन् ।
