१९ पुष काठमाडौँ । गोरखा जिल्लाको शहिद लखन गाउँपालिका नाम्जुङ्गमा स्वास्थ्य शिविरमा म्याद गुज्रेकोऔषधि वितरण गर्दा त्यहाँका नागरिहरूको स्वास्थ्यमा समस्या देखिएको छ ।
उक्त शिविर शहिद लखन गाउँपालिका र लायन्स क्लब अफ चितवन नवलपुर समृद्धिको संयुक्त आयोजनामा भएको स्वास्थ्य शिविरमा म्याद गुज्रेकोऔषधि वितरण गरिएको सप्रमाण समाचार छ ।
यस शिविरका आयोजकले कोशीस क्यान्सर सेण्टर प्रालिको बिल भौचरमा उल्लेख गरी वितरित औषधी म्यादगुज्रेको पाइएको हो । यसको प्रमाणहरु यही दिएको औषधी मार्फत देख्न सकिन्छ ।यस शिविर डा. सरिता राना गुरुङको स्वामित्वमा रहेको क्यान्सर सेण्टरको स्थायीठेगाना भरतपुर १० चितवन हो ।
गाउँमा शिविर पुगेको ठाउँमा करिव ६ सय जना सहभागि रहेको स्वास्थ्य शिविरमा परीक्षणपछि लेखिएको औषधीभन्दा भिन्न औषधी बाँडेर पनि जनस्वास्थ्यमा खेलबाड गरीएको नाम्जुङ्गका स्थानियवासीले बताएका छन् । उक्त औषधी सेवन गरेपछि मान्छेहरुमा वान्ता हुने चक्कर लाग्ने शरीरमा राता डाबर उठ्ने समस्य देखिएको त्यहाँका स्थानियवासीहरूको भनाई छ ।
