२३ पुष काठमाडौँ । प्रहरीमाथि हातपात गरेको अभियोगमा सर्लाहीका एक युवा लाई प्रहरीले पक्राउ गरेको छ ।काठमाडौँको चन्द्रागिरि नगरपालिका वडा न (३ थानकोट बसपार्कको कार्यक्षेत्रमा डिउटीमा खटिएको प्रहरीमाथि हातपात गरेको अभियोगमा सर्लाही मलङ्गवा नगरपालिका–६ घर भई हाल काठमाडौँ चन्द्रागिरि नगरपालिका–३ खरिबोट बस्ने २६ वर्षीय अनमोल रामलाई आइतबार राति प्रहरीले पक्राउ गरेको हो ।
प्रहरी वृत्त थानकोट र ट्राफिक प्रहरी थानकोटबाट खटिएको प्रहरीले नागढुङ्गाबाट आउँदै गरेको बा ५७ प ५९४६ नं को स्कुटर चालकलाइ चेक जाँच गर्ने क्रममा रामले प्रहरीमाथि हातपात गरेपश्चात उनलाई पक्राउ गरेको प्रहरी प्रधान कार्यालयले जनाएको छ ।
सो क्रममा ह्याण्ड सेट एक थान क्षति भएको छ । यस सम्बन्धमा प्रहरीले आवश्यक अनुसन्धान गरिरहेको जनाइएको छ । थप विवरण आउन बाकी छ ।
