२४ पुष काठमाडौँ । गोरखाको चाइनिज धारामा रहेको होलसेल ब्यापारीको पसलबाट सामान चोरी गरेको आरोपमा उक्त पसलमा कामगर्ने ढकाल पक्राउ परेका छन् ।पक्राउ पर्नेमा गोरखा नगरपालिका वडा न ११ का २० बर्षिय निरज ढकाल भएको जिल्ला प्रहरी कार्यालय गोरखाका प्रहरी नायब उपरिक्षक एवं सूचना अधिकारी रमेशकुमार श्रेष्ठले जानकारी दिनुभयो ।
गोरखा नगरपालिका–८ को चाइनिज धारामा रहेको श्रेष्ठ किराना पसलबाट ७६ हजार ५०० रुपैयाँ मुल्य बरावरका विभिन्न सामाग्री चोरी गरेको भन्दै ढकाललाई प्रहरीले पक्राउ गरेको हो । ढकालले पौष २१ गते शनिबारका दिन दिउसो १ः३० बजेको समयमा उक्त सामाग्री चोरी गरेको अनुसन्धानबाट खुल्न आएपछी उनलाई पक्राउ गरीएको प्रहरीले जानकारी दिएको छ ।
सामान ढकालको आफ्नै कोठाबाट बरामद गरेको पनि सूचना अधिकारी श्रेष्ठले जानकारी दिनुभयो । आइतबार पक्राउ परेका ढकाललाई सोमबार चोरी कसूर शिर्षकमा मुद्वा दर्ता गरी गोरखा जिल्ला अदालतबाट अनुसन्धानका लागी म्याद थप गरीएको छ । ढकाललाई प्रहरी हिरासतमा राखेर अनुसन्धान थालिएको प्रहरी श्रेष्ठले बताउनुभयो।
