५ माघ काठमाडौँ । काठमाडौँ महानगरपालिकाको प्रमुख प्रशासकीय अधिकृतमा वसन्त अधिकारीको ठाउँमा राष्ट्रिय योजना आयोगका सहसचिव प्रदीप परियारलाई पठाएको छ ।
महानगरका प्रमुख प्रशासकीय अधिकृत वसन्त अधिकारीलाई भने मधेसी आयोगमा सरुवा गरेको छ । केही दिन अगाडी महानगरमा प्रमुख प्रशासकीय अधिकारी र मेयर बालेनशाहबिच स्वास्थ्यको कर्मचारी नियुक्तिमा चलखेल गरेको भन्दै बिच विवाद सुरु भएको थियो ।
विवादकै बिच शाहकै निर्देशनमा अधिकारीको कार्यकक्षमा ताला लगाइएको थियो ।अधिकारी योबिचमा बिदामा बसेका थिए । सो विषयलाई लिएर मेयर शाहको सचिवालय प्रमुख नुरनिधि न्यौपाने, स्वास्थ्य विभाग प्रमुख रामप्रसाद पौडेल, वरिष्ठ शाखा अधिकृत भगवती विडारीलाई निलम्बन गरिएको थियो।
