१३ माघ काठमाडौँ । काठमाडौं उपत्यकाको न्यूनतम तापक्रम यो वर्षको सबै भन्दा कम रहेको छ ।
आज उपत्यकाको न्यूनतम तापक्रम २.५ डिग्री सेल्सियस पुगेको छ। शनिबार बिहान तापक्रम २.५ डिग्री सेल्सियस मापन भएको मौसमविद् मीनकुमार अर्यालले यो वर्षको हालसम्मकै कम तापक्रम भएको जानकारी दिए। बिहीबार र शुक्रबार ३ डिग्री सेल्सियस थियो।
तापक्रम घट्दो क्रममा रहेकाले केही दिन चिसो बढ्ने भएकाले सावधानी अपनाउन मौसम पूर्वानुमान महाशाखाले सर्वसाधारणलाई सुझाव दिएको छ।
