१६ माघ काठमाडौँ । गोरखाको शहिद लखन गाउँपालिकामा प्रथम शहिद लखन पुरुष भलिबल प्रतियोगिता हुने भएको छ । यस प्रतियोगिता शहिद लखन गाउँपालिकाको आयोजनामा गाउँपालिका वडा न ७ स्थित काहुले भंगारमा माघ २८ गतेदेखि फागुन २ गते सम्म सञ्चालन हुन लागेको गाउँपालिका अध्यक्ष रमेश बाबु थापा मगरले जानकारी दिनुभयो ।
यस गाउँपालिकाले प्रथम शहिद लखन थापाको स्मृति दिवशको अवसर पारी वडा स्तरिय पुरुष भलिबल प्रतियोगिता तथा संस्कृतिक कार्यक्रम स्थानिया कलाकारहरुको प्रस्तृतिको साथमा गाउँपालिका भित्रका ९ वटा वडा मात्र सहभागिता हुने गरि प्रतियोगिता आयोजना गर्ने लागेको पालिका अध्यक्ष थापा मगरले बताउनु भयो । "स्वास्थ्यका लागि खेलकुद, राष्ट्रका लागि खेलकुद समृद्वि र विकासको लागि खेलकुद" भने नाराका साथमा भलिबल खेलको विकास र खेलाडी उत्पादनको लक्ष्य को लागि प्रथम अन्तर वडा शहिद लखन कप पुरुष भलिवल २०८० ” प्रतियोगिता गरिन लागेको हो ।
प्रतियोगितामा गाउँपालिका भित्र रहेका ९ ओटा वडाबाट ९ टिमले सहभागिता जनाउने छन् । उक्त प्रतियोगितामा प्रत्येक वडाको टिम व्यवस्थापक वडा अध्यक्षले गर्नु पर्ने छ । प्रतियोगिता विजेता हुने टिमले नगद रु एक लाख ११ हजार १ सय ११ रुपैयाँसहित कप,मेडल, प्रमाणपत्र र रनिङसिल्ड समेत पाउने छन् , भने उपबिजेता हुने टिमले नगद रु ५५ हजार ५ सय ५५ रुपैयाँसहित कप, मेडल र प्रमाणपत्र, तृतीय हुने टिमले नगद रु ३३ हजार ३ सय ३३ रुपैयाँसहित कप, मेडल र प्रमाणपत्र प्राप्त गर्ने छन् ।
त्यसै गरी सान्त्वना हुने टिमले नगद रु २२ हजार २ सय २२ रुपैयाँसहित प्रमाणपत्र र टिमको उत्कृष्ट खेलाडीले नगद रु ४ हजार ४ सय ४४ रुपैयाँ सहित कप, मेडल र प्रमाणपत्र प्राप्त गर्ने अध्यक्ष थापाले बताउनु भयो ।“राष्ट्रिय खेल भलिबलको प्रवर्द्धनसंगै खेलाडी पहिचानका लागि प्रतियोगिता राखिएको हो”,भने उहाँको भनाई छ ।
खेलले स्वस्थ्यलाई सुधार्ने काम गर्छ र मानिस पूर्णरुपमा स्वास्थ्य हुन्छ भन्ने कुरामा पनि हामीले ध्यान दिएका छौँ । उक्त प्रतियोगितामा सहभागी टोलिलाई २ समूहमा बिभाजन गरी खेल समुहचरण लिग सिस्टम तथा सेमि फाईनल नकआउट सिस्टममा हुने समेत अध्यक्ष थापाले बताउनु भयो ।
