२३ माघ काठमाडौँ । बागमती प्रदेश सरकारले चितवनमा बन्दै गरेको गौतम बुद्ध अन्तर्राष्ट्रिय क्रिकेट रङ्गशाला निर्माण लागि ५२ करोड ५० लाख रुपैयाँ व्यवस्थापन गर्ने भएको छ ।बागमती प्रदेश सरकारको मङ्गलबार बिहान बसेको मन्त्रिपरिषद् बैठकले चितवनमा निर्माणाधीन रङ्गशालाका लागि भरतपुर महानगरसँगको सम्झौता अनुसार प्रदेश सरकारले बजेटको स्रोत सुनिश्चितता गर्ने निर्णय गरेको हो ।
बागमती प्रदेशका मुख्यमन्त्री शालिकराम जम्कट्टेलले रङ्गशाला निर्माण गर्न भरतपुर महानगरपालिकाको प्रस्तावित लागत अनुमान ७५ करोड रुपैयाँमध्ये ७० प्रतिशत बेहोर्ने सम्झौता अनुसार जम्कट्टेलले ५२ करोड ५० लाख रुपैयाँको स्रोत सुनिश्चितता गरेको बताए ।
मुख्यमन्त्री जम्कट्टेलले भन्ने हामीले महानगरपालिकासंग गरेको सहमतिअनुसार प्रदेश सरकारले क्रिकेट रङ्गशालाका लागि ५२ करोड ५० लाख रुपैयाँ बराबर बजेट व्यवस्थापन गर्ने गरी स्रोत सुनिश्चितता गरेको बताए ।
धुर्मुस सुन्तली फाउन्डेसनले सुरूवात गरेको गौतम बुद्ध अन्तर्राष्ट्रिय क्रिकेट रङ्गशाला निर्माण पुरा गर्न नसके पछि भरतपुर महानगरपालिकाले तयार गरेको लागत अनुमानमा प्रदेश सरकारले ७० र महानगरपालिकाले ३० प्रतिशत रकम बेहोर्ने गरी सम्झौता गरिएको थियो । उक्त सम्झौता पुरा गरी ५२ करोड ५० लाख रुपैयाँ बराबर बजेट व्यवस्थापन गर्ने गरी स्रोत सुनिश्चितता गरिएको मुख्यमन्त्री जम्कट्टेलले बताए ।
