२८ माघ काठमाडौँ । काठमाडौंको बानेश्वर सडक डिभिजन कार्यालयमा आज आगलागी भएको छ। आगलागी आज दिउँसो करिब २ बजेतिर आगलागी भएको प्रहरी वृत्त बानेश्वरले जानकारी दिएको छ।
आगलागी भने अहिले नियन्त्रणमा आइसकेको प्रहरीले जनाएको छ।प्रहरीका अनुसार कार्यालयका सामानहरूमा क्षति पुगेको छ। क्षति विवरण आइसकेको छैन।
आगलागी नियन्त्रणमा लिन पाँच वटा दमकल प्रयोग भएको छ। आगलागी कसरी भएको भन्ने खुलेको छैन। थप विवरणको अनुसन्धान भइ रहेको प्रहरीले बताएको छ ।
