१७ फागुन काठमाडौँ। वाफ महिला च्याम्पियनसिप २०२४ को फाइनलमा जोर्डनसंग नेपाली राष्ट्रिय महिला फुटबल टोली नेपालले हार बेहोरेको छ ।साउदी अरबको जेद्दाहमा विहीबार सम्पन्न फाइनलमा नेपाललाई टाइब्रेकरमा पराजित गर्दै जोर्डन छैटौं पटक उपाधि जित्न सफल भएको हो ।
निर्धारित ९० मिनेटको खेल २-२ को बराबरीमा सकिएपछि जोर्डन टाइब्रेकरमा ५-३ ले विजयी भएको हो ।नेपाल ११ औं पटक फाइनलमा पनि उपाधि जित्न सफल भएन । पहिलो हाफमा सविता राना मगरको १-० को अग्रता लिएको नेपाल दोस्रो हाफमा गोल खाएपछि २-१ को स्थितिमा थियो ।
तर इन्ज्युरी समयमा प्राप्त पेनाल्टीमा गीता रानाले गोल गरेपछि खेल २-२ को बराबरीमा पुगेको हो ।नेपालको हिरा भुजेलको प्रहार गोल भएपनि अमृता जैशीले गोल गर्न सकिनन् । जोर्डनको पाँचौ प्रहार गोल भएसँगै नेपाल पराजित हुन पुग्यो ।इन्ज्युरी समयको दोस्रो मिनेटमा नेपालले पेनाल्टी पायो ।
जबाराहले बक्समा ह्याण्डबल गरेपछि नेपालले पेनाल्टी पाएको थियो । पेनाल्टीमा गिता रानाले गोल गर्दै नेपालका लागि बराबरी गरिन् । त्यस पछि खेलको अन्तिम समय सम्म पनि गोल बराबरी भएसंगै पेनाल्टी सुट आउटमा ५-३ गोलको अन्तरले नेपाल पराजित भएको हो ।
