२० फागुन काठमाडौँ । गोरखामा मोटरसाइकल दुर्घटनामा परी एक जनाको मृत्यु भएको छ । भने अर्को एक फरार रहेका छन् ।
गोरखा छेपेटार बारपाक सडकखण्डको भालुस्वाँरा नजिकै राजेश परियारले चलाएको बा ९१ प ४५८ नम्वरको मोटरसाइकल शनिवार राती करिव दश बजेको समयमा दुर्घटना हुदा सिरानचोक गाउँपालिका वडा न-६ नयाँसाघुँ भएका २७ बर्षीय मिलन थापा मगरको मृत्यु भएको गोरखा प्रहरीले जनाएको छ ।
दुर्घटनामा परी मोटरसाइकलको पछाडी सवार गरेका गम्भीर घाइते मगरलाई गोरखाको गोरखा अस्पतालमा उपचारको क्रममा उनको मृत्यु भएको प्रहरी नीरिक्षक शेखर खड्काले बताए ।
मोटरसाइकलमा सवार गर्ने दुई जना मध्ये पछाडि बस्नेको उपचारको क्रममा मृत्यु भयो भने, मोटरसाइकल चालक परियार फरार रहेको र खोजी कार्य भइरहेको प्रहरीले जानकारी दिए । दुर्घटना भएको मोटरसाइकल प्रहरीले नियन्त्रणमा लिएको छ । घटनाबारे थप अनुसन्धान भइ रहेको प्रहरीले बताए ।
