२ चैत काठमाडौँ । आज शुक्रबार सुनको मूल्य घटेको छ । नेपाल सुनचाँदी व्यवसायी महासँघका अनुसार आज छापावाला सुन प्रतितोला एक लाख २५ हजार ४०० रुपैयाँ र तेजाबी सुन प्रतितोला एक लाख २४ हजार ८०० रुपैयाँ खरिद बिक्री भइरहेको छ ।
त्यसैले आज सुनको मूल्य प्रतितोला ४०० रुपैयाँले घटेको छ भने चाँदी मूल्य स्थिर रहेको छ । बिहीबार छापावाला सुन प्रतितोला एक लाख २५ हजार ८०० रुपैयाँ र तेजाबी सुन प्रतितोला एक लाख २५ हजार २०० रुपैयाँमा खरिदबिक्री भएको थियो ।
आज शुक्रबार चाँदीको मूल्य प्रतितोला एक हजार ५१५ रुपैयाँमा खरिदबिक्री भइरहेको महासँघले जनाएको छ। चाँदी हिजो बिहीबार पनि सोही मूल्यमा नै कारोबार भई रहेको थियो ।
