२ चैत काठमाडौँ । रौतहटको ग्लोबल आईएमई बैंकमा ५२ लाख चोरी गरि, कर्मचारी माथि गोली प्रहार भएको छ । परोहा नगरपालिका वडा न ९ खापचोकस्थित ग्लोबल आईएमई बैंकको शाखा कार्यालयमा चोरी भएको हो ।
आज दिउँसो शुक्रबार मोटरसाइकलमा हतियारसहित तीन जनाको समूहमा आएर बैंक भित्र प्रवेश गरी कर्मचारीलाई धम्क्याउँदै उनीहरुले ५२ लाख रुपैयाँ लुटपाट गरेका हुन् । उक्त युवाहरुले चोरी गर्ने क्रममा बैंकका कर्मचारी नितेश साहलाई बैंकबाट बाहिर निकालेर गोली प्रहार गरी घाइते बनाएका छन् ।
घाइते कर्मचारी साहको कान गम्भीर चोट लागेको प्रहरीले जनाएको छ ।घाइते साहलाई उपचारका लागि वीरगन्ज अस्पताल पुराइएको र लुटपाटमा संलग्नलाई पनि पक्राउ गरिएको जिल्ला प्रहरी कार्यालय रौतहटका प्रवक्ता तथा डीएसपी इलिजा गिरिले बताउनु भयो । प्रहरीले घटनामा प्रयोग भएको मोटरसाइकल पनि बरामद गरी थप अनुसन्धान भइ रहेको बताए ।
