६ चैत काठमाडौँ । गोरखाको बारपाक सुलिकोट गाउँपालिका वडा न ३ चित्रेगाउँका स्थानीयलाई वित्तीय साक्षरता सम्बन्धी अभिमुखिकरण कार्यक्रम सम्पन्न गरिएको छ । उक्त कार्यक्रम बाह्रमुले युवा क्लवको आयोजनामा आइतवार सम्पन्न गरिएको हो ।
यस अभिमुखिकरण कार्यक्रममा समुदायमा वित्तीय ज्ञान नहुँदा ऋिण लिने, फिर्ता नगर्ने जस्ता क्रियाकलाप बढेकाले साक्षरता कार्यक्रमको आयोजना गरिएको क्लवका अध्यक्ष रिजन विश्वकर्माले बताए । क्लवका अध्यक्ष विश्वकर्माका अनुसार गाउँका मानिसहरुले पनि सहकारीबाट पैसा लिने तर फिर्ता गर्न नसक्ने जस्ता समस्याहरु बढेकाले पनि उक्त कार्यक्रमबाट केही हत सम्म समस्या समधान हुन सक्ने समेत बताए ।
कार्यक्रममा युवा बिद्यार्थी शिक्षित अशिक्षित अभिभावकहरुको सहभागीतामा फजुल खर्च नियन्त्रण गर्न र पैसाको उचित लगानी कुन ठाउामा कसरी गर्ने भन्ने बारेमा पनि जानकारी गराइएको थियो । यस कार्यक्रमा क्लवका अध्यक्ष रिजन विश्वकर्माको अध्यक्षतामा र कार्यक्रम अवधिभर नारायण ढकालको सहजीकरणबाट कार्यक्रम सम्पन्न गरिएको थियो ।
