७ चैत काठमाडौँ । आज बुधबार सुनको भाउ स्थिर र चाँदीको भाउ घटेको छ। नेपाल सुनचाँदी व्यवसायी महासँघका अनुसार बुधबार छापावाला सुन प्रतितोला १ लाख २५ हजार २०० रुपैयाँमा कारोबार भइरहेको छ भने तेजाबी सुन प्रतितोला १ लाख २४ हजार ६०० रुपैयाँमा खरिदबिक्री भइरहेको छ।हिजो मंगलबार पनि सुन यही भाउमा कारोबार भएको महासँघले जनाएकोे छ ।
आज बुधबार चाँदीको भाउ प्रतितोला १ हजार ५२० रुपैयाँमा खरिदबिक्री भइरहेको महासँघले जनाएको छ। मंगलबार चाँदी प्रतितोला १ हजार ५२५ रुपैयाँमा खरिदबिक्री भएको थियो भने हिजो भन्दा चाँदीमा ५ रुपैयाले घटेर कारोवार भएको संघले बताएको हो ।
