७ चैत काठमाडौँ । नेपाल पत्रकार महासंघको केन्द्रीय महाधिवेशन अब आउने २०८१ वैशाख २१ गते लुम्बिनीमा र प्रदेश अधिवेशनहरु वैशाख १ गतेदेखि १२ गतेसम्म हुने भएको छ ।
पत्रकार महासंघले आज बसेको केन्द्रीय समितिको बैठकले केन्द्रीय महाधिवेशन २०८१ साल वैशाख २१ गते लुम्बिनीमा गर्ने र प्रदेश अधिवेशनहरु २०८१ वैशाख १ गतेदेखि १२ गतेसम्म सम्पन्न हुने गरि निर्णय गरेको महासंघका महासचिव रोशन पुरीले जानकारी दिए ।
बैठकमा भएको निर्णय अनुसार महासंघले जिल्ला, शाखाहरुको अधिवेशनहरु आजैदेखि सुरुवात गरि चैत मसान्तसम्म सम्पन्न गर्नु पर्ने निर्णय समेत गरेको महासचिव पुरीले जनाकारी दिए । उक्त बैठकले अब हुने केन्द्रीय महाधिवेशनले नेपाल पत्रकार महासंघको नयाँ नेतृत्व समेत चुन्ने निर्णय समेत गरेको छ ।
