८ चैत काठमाडौँ । सर्लाहीको लालबन्दी नगरपालिका वडा न १ नवलपुरमा गएराती ट्रक र बस एकआपसमा ठोक्किँदा एक जनाको मृत्यु र १० जना घाइते भएका छन् । पूर्व पश्चिम राजमार्ग सडक खण्डकाे नवलपुरको तिनकुने पार्क नजिक बागमती प्रदेश –०३–००१ ख ४३३ नम्वरको ट्रक र ना ४ ख ३२४ नम्वरको बस ठोक्किएर दुर्घटना भएको थियो ।
दुर्घटनामा ट्रकका चालक मकवानपुरको हेटौंडा उपमहानगरपालिका वडा न ३ बस्ने ४२ वर्षीय तोङश्री बहादुर गोलेको मृत्यु भएको इलाका प्रहरी कार्यालय लालबन्दीले जनाएको छ । मृत गोलेको दुर्घटना पछि उपचार गर्न लैजाने क्रममा सोही दिनै नारायणी अस्पताल वीरगन्जमा मृत्यु भएको लालबन्दीका इन्स्पेक्टर हरिबोल केसीले जानकारी दिए ।
उक्त दुर्घटनामा ११ जना मध्ये एक जनाको मृत्यु भएको हो भने बाकी घाइतेहरु १० जनाको ।सर्लाही नवलपुरका विभिन्न अस्पतालमा उपचार भइरहेको प्रहरीले जनाएको छ । बसका चालकलाई प्रहरीले नियन्त्रणमा लिएको इन्स्पेक्टर केसीले बताए ।
