८ चैत काठमाडौँ ।आठौं आरबीबी एनभिए भलिबल च्याम्पियनसिपको महिलातर्फको खेलमा एपिएफलाई हराउँदै नेपाल पुलिस क्लब फाइनल पुगेको छ । आज भएको पहिलो क्वार्टरफाइनलमा एपिएफलाई नेपाल पुलिस क्लबले ३–१ को सेटलेजितेर पुलिसले फाइनल खेल पक्का बनाएको हो । । शनिबार हुने फाइनलमा पुलिसले चन्द्रानिगरी नगरपालिका महिला टिम वा एभरेष्ट भलिबल क्लबमध्ये एक टोलीसँग प्रतिस्पर्धा गर्नेछ ।
अर्को सेमिफाइनल आजै हुनेछ ।त्रिपुरेश्वस्थित राष्ट्रिय खेलकुद परिषदको कभर्ड हलमा पुलिसले एपिएफलाई २७–२५,२५–२२, २८-३०, २५-१७ ले हराएको हो ।प्रतियोगितामा पुरुषतर्फका अन्तिम दुई क्वार्टरफाइनल खेल हुनेछ ।
तेस्रो क्वार्टरफाइनलमा पुलिस र कोशी प्रदेश तथा अन्तिम क्वार्टरफाइनलमा त्रिभुवन आर्मी क्लब र सुदूरपश्चिम प्रदेशबीच प्रतिस्पर्धा हुनेछ । गण्डकी प्रदेश र टिप टप हेल्प नेपाल यसअघि नै सेमिफाइनल पुगिसकेका छन् । प्रतियोगितामा महिलातर्फ ७ र पुरुषतर्फ १३ टोलीको सहभागिता छ । दुवैतर्फको विजेता टोलीले ५ लाख, दोस्रो टोलीले २ लाख र तेस्रो टोलीले १ लाख २५ हजार रुपैयाँ प्राप्त गर्नेछ ।
