९ चैत काठमाडौँ । गोरखाको शहीदलखन गाउँपालिका वडा न –५ काहुलेमा सोलार फिटिङबाट लिफ्टिङ खानेपानी आयोजना निर्माण सम्पन्न गरिएको छ । गाउँपालिकाको १८ लाख ९४ हजार र रिन्यूयवल वल्ड नेपाल नामक संस्थाको २५ लाखको सयुक्त लागतमा आयोजना निर्माण भएको हो । गाउँपालिकाको आर्थिक प्राविधिकको सहयोग र गोरेटो गोरखाले समेत सहजिकरण गरेको थियो ।
आयोजनाबाट करिव ४४ घरधुरीले सेवा पाउने गाउँपालिका वडा नम्वर ५ का अध्यक्ष यमबहादुर राना मगरले जानकारी दिनु भयो । उक्त कार्य सम्पन्न संगै हिजो बुधवार एक कार्यक्रमका बीचमा आयोजनाको उद्घाटन गरिएको हो । यस आयोजनाको उद्घाटन गाउँपालिका अध्यक्ष रमेश बाबु थापा मगर, उपाध्यक्ष इन्दिरा तिवारी र गाउँपालिका प्रमुख प्रशासकीय अघिकृत बाबुराम मगरले संयुक्त रुपमा गरेका हुन् ।
वडा नम्वर ५ काअध्यक्ष यमबहादुर राना मगरले भने यो आयोजना सम्पन्न भएसँगै गाउँलेहरुलाई खानेपानी वितरण गर्न सहज हुने समेत बताएका थिए । बिजुलीबाट भन्दा सोलारबाट कम खर्चिलो हुनुको साथै गाउँमा बिजुली नआउँदा पनि सोलार प्रयोग गरि पानी वितरण गर्न सहज हुने बताए ।
