१३ चैत काठमाडौँ । ललितपुर महानगरपालिका(२६ ढोलाहिटीको घटनामा संलग्न भएका आरोपीहरूलाई प्रहरीले आज सार्वजनिक गरेको छ ।चैत ११ गते बेलुका होली खेलेर खाजा खान ढोलाहिटीको डी पोपिना खाजाघरमा पुगेर मदिरा सेवन गरेका दुइ समूह युवाबीच झडप हुदा चक्कु हानाहान गर्दा २ जनाको मृत्यु भएको थियो । ललितपुर जिल्ला प्रहरी परिसरले आज पत्रकार सम्मेलन गरी उक्त घटनामा संलग्न चार आरोपीलाई सार्वजनिक गरेको हो ।
प्रहरीले पक्राउ परेका खाजा घर सञ्चालक खोटाङ साकेला गाउँपालिका(२ का विजय राई र सोही ठाउँका सुलभ राईका साथै भोजपुर ट्याम्केमयुङ(२ का विशाल हाङ मुकारुङ र काठमाडौँ गोकर्णेश्वरका छेङविहाङ राईलाई सार्वजनिक गरेको हो ।
सार्वजनिक गरिएका चार जना र फरार भएका एक जनासहित पाँचजनाविरुद्ध कर्तव्य ज्यान कसुरमा अनुसन्धान भइरहेको जिल्ला प्रहरी परिसर ललितपुरले जानकारी दिएको छ ।
