१५ चैत काठमाडौँ । गोरखामा आठवटा विद्यालयबाट १० भन्दा कम बिद्यार्थी सहभागी हुदैँ छन् । बिहीबारबाट सुरु भएको यस वर्षको माध्यमिक तह शिक्षा परीक्षा ९एसईई०मा विभिन्न गाउँका विद्यालयबाट १० जनाभन्दा कम परीक्षार्थी सहभागी भएका हुन् ।
गोरखा नगरपालिकाको बोर्डिङतर्फ मनकामना बोर्डिङ स्कुलबाट ६ जना, सूर्यमुखी बोर्डिङ स्कुलबाट ८ जना, जेनियस बोर्डिङ स्कुलबाट ८ जना , पालुङटार नगरपालिका ठाटीपोखरीको बालज्योती इङ्लिस बोर्डिङ स्कुलबाट ९ जना विद्यार्थीहरु एसईईमा सहभागी हुँदै छन् ।
त्यस्तै सामुदायिक विद्यालयहरुतर्फ सिरानचोक गाउँपालिका ५ को चित्रेपोखरी माविबाट सबैभन्दा कम ४ जना ,सहिद लखन गाउँपालिका ६ बतासेको भगवती हिमालय मावि घैरुङबाट ६ जना, गोरखा नगरपालिकाको रत्नलक्ष्मी मावि डुम्रीडाँडाबाट सातजना र राष्ट्रिय मावि घलाङबाट ६ जना विद्यार्थीहरु एसईईमा सहभागी हुने भएका शिक्षा विकास तथा समन्वय इकाइका प्रमुख सुवास आचार्यले जानकारी दिए ।
एसईईको सम्पूर्ण तयारी पूरा भइसकेको इकाइ प्रमुख आचार्यले जानकारी दिए । परीक्षा केन्द्र, केन्द्राध्यक्ष निर्धारण भइसकेका छन् भने प्रश्नपत्र तथा उत्तर पुस्तिका सबै केन्द्रमा पठाउने काम भइसकेको इकाइ प्रमुख आचार्यले जानकारी दिए ।
